சின்னத்திரை விருது: தேர்வுக் குழு அமைப்பு

சென்னை,​​ பிப்.​ 2:​ சின்னத்திரை விருதுக்கு கலைஞர்களைத் தேர்ந்தெடுப்பதற்கான குழு அமைக்கப்பட்டுள்ளது.
இதுகுறித்து,​​ முதல்வர் கருணாநிதி செவ்வாய்க்கிழமை வெளியிட்ட உத்தரவு:
2007 மற்றும் 2008}ம் ஆண்டுகளுக்கு உரிய தமிழ்நாடு அரசு சின்னத்திரைக்கான சிறந்த தொடர்கள்,​​ நடிகர்,​​ நடிகைகள் மற்றும் தொழில்நுட்ப கலைஞர் விருதுகளுக்கு தகுதியானவர்கள் தேர்வு செய்யப்பட உள்ளனர்.
அவர்களைத் தேர்ந்தெடுக்க,​​ ஓய்வுபெற்ற நீதிபதி மு.மருதமுத்து,​​ இயக்குநர் விடுதலை,​​ எழுத்தாளர் அஜயன் பாலா,​​ கதாசிரியர் கண்மணி சுப்பு,​​ தயாரிப்பாளர் டி.வி.சங்கர்,​​ நடிகரும் ஒளிப்பதிவாளரும்,​​ இயக்குநருமான ராஜசேகர் ஆகியோர் அலுவல் சாரா உறுப்பினர்களாக தேர்ந்தெடுக்கப்பட்டுள்ளனர்.
தமிழ் வளர்ச்சி,​​ அறநிலையங்கள் மற்றும் செய்தித் துறை செயலாளர்,​​ செய்தி}மக்கள் தொடர்புத் துறை இயக்குநர்,​​ செய்தி}மக்கள் தொடர்புத் துறை இணை இயக்குநர் ​(மக்கள் தொடர்பு),​​ திரைப்படம் மற்றும் டி.வி.​ பயிற்சி நிறுவன முதல்வர் ஆகியோர் அலுவல் சார்ந்த உறுப்பினர்களாகவும் நியமிக்கப்பட்டுள்ளனர்.